M A K E D O N I U M
  Македонски | Deutsch | Français |

Makedonija


Знаме на Р. Македонија

 


Грб на Р.Македонија

 

Химна на Р. Македонија

(MP3 - 520 kB)

Makedonskoto Zname
Македонското знаме

 

d1

d1

Добродојдовте

Македонци кои живеат и работат во Швајцарија, се организирани во бројни здруженија и организации. Нивните активности ги презентираат на неколку интернет страни, преку писмени информации и лични контакти.

Оваа интернет презентација ја развиваме со единствена цел - на што е можно поедноставен и најдиректен начин, сите заинтересирани навремено и едноставно се информираат за настаните и активностите кои ги организираат Македонските друштва и организации. На овие страни исто така ќе се најдат и мали информации за Македонија и Македонската историја, традиција и култура.

Ако сакате на било кој начин да ни помогнете, не мислете се, контактирајте не.
Информации, сугестии, а исто и критики ќе ни помогнат да на ова место за брзо време направиме еден Македонски портал на пријателство и соработка меѓу сите Македонци во Швајцарија.


друга поговорка ...  


настани во Швајцарија » » »


 

декември 2017

31.12.2017, Unterägeri, ZG
Дочек на Нова година

Нова година


 

03.12.2017, Urtenen-Schönbühl, BE

Божиќна трпеза 2017,
»Организација на жените од Македонија во Швајцарија«

Како и секоја година, така и оваа, »Организацијата на жените од Македонија во Швајцарија – ОЖМ-Ш« во декември органиираше “Божиќна трпеза“. И ако уште на почетокот на месец декември, во вистински “празнична“ и приателска атмосфера.
Салата како и секогаш до сега исполнета до последното место. Зошто секој што бил еднаш на оваа, веќе традиционална, манифестација знае дека ќе помине прекрасен ден во друштво на приатели.

Како и секогаш до сега, за кулинарскиот празник се погрижија самите членки на »ОЖМ-Ш«, како и секој од присутните гости. Трпезата полна, богата и разноврсна, празник за очите и вкусовите...

Но членовите на »ОЖМ-Ш« се погрижија не само за гурманското уживање, тука беше и “матичната“ музичка група »МЕРАКЛИИ« кои се погрижија за весело расположение.
А “изненадувањето“ на денот беше балетската група која за момент (ма неколку моменти) ја остави публиката без здив и глас.

Ќе биде излишно да пишуваме дека сето беше безпрекорно организирано и дека стварно е милина да се биде гостин на овој настан... благодариме и до следната година.

video


Божиќна трпеза 2017,
»Организација на жените од Македонија во Швајцарија«

И оваа година »Организација на жените од Македонија во Швајцарија« организира »Божиќна трпеза«. Досегашните трпези докажаа дека се прекрасно место за дружење и уживање во Македонската кујна. Затоа за секој кој сака да помини пријатни моменти со приатели ова е вистинско место.
Но планирајте и пријавете се навреме!

 

Божиќна трпеза

______________________________________________________________

02.12.2017, Goumoens-la-Ville, VD
МДД »МАКЕДОНИЈА« Ешалан, Новогодишен коктел

 

Традиционалната Божиќна вечера која Македонското Добротворно Друштво »МАКЕДОНИЈА« во Ешалан ја организира секоја втора година и овојпат беше место за дружење и средба на членовите на друштвото, пријателите на друштвото и представници на општините Ешелан и неколку други општини од овој регион.
Оваа вечер се користи да се представи Македонската култура и традицаија, како и Македонската кујна пред швајцарската јавност.

И може да се каже дека членовите на МДД »Македонија« го прават тоа прекрасно и со понос, како и секогаш до сега. На вечерта можеше да се вкуси од пребогатиот избор на Македонски традиционални јадења припремени од жените Македонки, членови на друштвото, да се ужива во музиката од групата »МЕРАКЛИИ« и во прекрасните интерпретации на хоровите »Harmonie des Campagnes« и »Choeur d`hommes Corcelles-près-Payerne«.

Како и секогаш до сега, при секоја посета на МДД »Македонија«, не може а да не се примети приателството и респектот кои постои помеѓу Македонците, швајцарците и швајцарските власти во тој регион. Како никаде на друго место во Швајцарија МДД »Македонија« има изградено и го негува приателството со локалното население.

На вечерта од страна на Господинот Павле Велков беа претставени и вината на »ДАЛВИНА«, како и мала фотографска изложба со Македонски мотиви од Гордан Ристовски.
Вечерта ја забележи екипа на телевизија »АЛФА«
Останува да ги средиме впечатоците од оваа прекрасна вечер и да се надеваме дека за две години ќе може да бидеме повторно дел на оваа традиционална средба.

video



ноември 2017

19.11.2017, Triengen, LU
МПЦО Св. Наум Охридски, Неделен ручек

Денес, неделата на 19 ноември во Македонската црковна општина Св. Наум Охридски во Триенген беше вистински празник.
На светата Божествена Литургија чиноначалствуваа неговото Високоправосвештенство Метрополитот Европски г. Пимен и Отец Горан Мантароски. Неделната литургија беше посетена од голем број верници

После неделната литургија Отецот Горан Мантароски и Владиката г. Пимен направија три крштевања како и неколку сетења.

После црковните обреди, неговото Високоправосвештенство Метрополитот Европски г. Пимен пред голем број заинтересирани ја представи својата книга »Патувајќи« која настанала пишувајќи колумни на своите патувања низ Епархијата. (за жал на промоцијата  на книгата немаше книги, веќе распродадени на пат до Триенен...)
Промоцијата на книгата подоцна прерасна во дискусија за "Got und die Welt", улогата на црквата во актуелните политички случувања и мислењата на човеците спрема Владиката Пимен и неговото присуство во медиумите и социјалните мрежи.
Тоа заврши како што може да заврши една таква дискусија, без конкретни заклучоци ама со среќни човеци бидејќи секој го кажа своето мислење...

На крајот неговото Високоправосвештенство Метрополитот Европски г. Пимен со неколку членови на управниот одбор се состаниа за решавање на некои црковно/технички прашања важни за нормалното работење на црквата и дејствувањето на црковната општина.

 


октомври 2017

08.10.2017, Triengen, LU
МПЦО Св. Наум Охридски, Неделен ручек

Во неделата на 08 октомври во просториите на Македонската црковна општина Св. Наум Охридски во Триенген беше подготвуван ручек за верниците кои после неделната литургија го посетиа ресторантот и новоотворената кујна.

И ако само како “пробна“ работа, кујната ги задоволи неколкуте посетители кои имаа можност да вкусат свежо припремени јадења од Лазар Златанов и Ване Јаневски.
Со новостекнатите искуства се надеваме дека почесто ќе се користи кујната барем во неделите...


септември 2017

28.09.2017, Zürich
Македонскиот превод на „Улис“ во Фондацијата Џејмс Џојс во Цирих

Во четвртокот, на 28 септември 2017 преведувачката Марија Гиревска достави примерок од македонскиот превод на романот „Улис“ на ирскиот писател Џејмс Џојс (во издание на Конгресен сервисен центар од Скопје) во Фондацијата „Џејмс Џојс“ во Цирих.

jjz

Фондацијата „Џејмс Џојс“ во Цирих е основана во 1985 година во чест на ирскиот писател Џејмс Џојс (1882 – 1941), кој дел од својот креативен живот го поминал во Цирих каде што е и погребан. Покрај предавањата на Универзитетот во Цирих, во просториите на Фондацијата проф. Фриц Сен повеќе од триесет години води работилници и редовни читања на романите „Улис“ и „Финегановото бдеење“ заедно со студентите, преведувачите, проучувачите и љубителите на делото на Џојс од целиот свет.
Македонскиот превод на „Улис“ е 41 превод во колекцијата на преводи што ја поседува Фондацијата „Џејмс Џојс“ во Цирих.

Д-р Марија Гиревска беше срдечно пречекана од директорот на Фондацијата, проф. д-р Фриц Сен и од кураторките Рут Френер и Урсула Зелер. На средбата беа разменети размислувања околу преводот и преводливоста на ова капитално книжевно дело на Џојс на македонски јазик. На крајот од средбата, откако се потпиша во „книгата на впечатоци“, преведувачката го потпиша и македонското издание на „Улис“.
Во 2013 година во Скопје на Марија Гиревска ѝ беше доделена наградата „Златно перо“ за преводот на „Улис“ од Џејмс Џојс.

 


 

09.09.2017, Zug
Fest der Nationen

Цуг, 09.09.2017,

И покрај дождливото време во Цуг се одржа интернационалната манифестација
»Fest der Nationen«.
На оваа манифестација Македонската кујна и традиција беше представена од страна на Македонското друштво »Св. Кирил и Методиј, Баар«.
Покрај традиционалните Македонски јадења, беа понудени и различни Македонски вина, Тиквешка жолта, пиво (Скопско), Струмка ...

Неколку импресии од манифестацијата:
► фотографии »»»
► видео »»»

 


 

На сите Македонки, на сите Македонци честит и вечен
»ИЛИНДЕН«

Für den Inhalt dieser Seite ist eine neuere Version von Adobe Flash Player erforderlich.

Adobe Flash Player herunterladen

 


 

лето 2017

Агенцијата за иселеништво на Република Македонија ги повикува  поетите Македонци кои живеат надвор од Македонија да земат учество на »Струшките вечери на поезијата«

 


 

април 2017

Агенцијата за иселеништво на Република Македонија ги поканува децата кои живеат во странство на летната школа во Охрид

 

инфо »»»

 


 

Среќни и спокојни Велигденски празници

 

....
Нашево време, за жал, на сите страни од светот изобилува со меѓучовечки и меѓуетнички недоразбирања и судири. Поделбите на економски, политички, па и верски план, го преплавија светот, па во тој потоп од омраза и злоба - војните, тероризмот и сл., постанаа секојдневие. Непријателството меѓу луѓето го достигнува својот врв, и сведоци сме на најстрашни страдања на невини луѓе, па и на цели народи. Доброто, љубовта и вистината се потиснати од злото, користољубието и омразата. Сè почести се самоубиствата, абортусите, убиствата и секаков вид насилство и криминал. Исто така, нарушувањето на бракот и семејството доведоа до последици и по моралната и по демографската состојба, особено меѓу европските народи. А сите тие неволи се раѓаат, пред сè, како резултат на човечкото неверие и самољубие, на отуѓувањето од Бога и од спасоносното евангелско слово. Крајно време е луѓето да се свртат и да се вратат кон Бога, кон вистината, љубовта и правдата. Зашто само воскреснатиот Христос е спасоносниот лек против сите страдања, и единствениот Пат, Вистина и Живот
....

ХРИСТОС ВОСКРЕСЕ!

АРХИЕПИСКОП ОХРИДСКИ И МАКЕДОНСКИ
†СТЕФАН

Заедно со членовите на Светиот архиерејски синод на Македонската православна црква

† ПЕТАР, Митрополит Преспанско – пелагониски и администратор Австралиско – новозеландски
† ТИМОТЕЈ, Митрополит Дебарско – кичевски и администратор Австралиско – сиднејски
† НАУМ, Митрополит Струмички
† АГАТАНГЕЛ, Митрополит Повардарски
† МЕТОДИЈ, Митрополит Американско – канадски
† ПИМЕН, Митрополит Европски
† ИЛАРИОН, Митрополит Брегалнички
† ЈОСИФ, Митрополит Тетовско – гостиварски
† ЈОСИФ, Митрополит Кумановско – осоговски
† ГОРАЗД, поранешен Митрополит Европски
† КЛИМЕНТ, Епископ Хераклејски

г.г. Стефан »»»
г. Пимен »»»

..................................................................................................................................................

» Велигден 2017

Верниците на Македонската православна црква во Швајцарија го одбележија празникот Воскресение Христово во трите црковни општини.
Како и досега, најбројни беа во црковната општина Св. Наум Охридски во Тринген централна Швајцариј.
.....

повеќе »

 

видео »»»


 

13.04.2017, Triengen, LU

Воскресение Христово

Македонската православна црковна општина »Св. Наум Охридски« во Триенген, ги известува и поканува своите верници да заедно го одбележат празникот Христово Воскресение - Велигден

Во периодот од 8 април до 18 април ќе бидат одржани повеќе литургии како и прослава по поводот Велигден.

За повеќе информации на поканата  или на интернет странта на
МПЦО »Св. Наум Охридски«  (http://mpc-triengen.ch/mk/)

 

(п.с. од кога ќе прочитате кој, кога и каде ќе пее, прочитајте ја и втората страна од поканата - само колку да се подсетите зошто се оди во црква)

 


март 2017

25.03.2017, Triengen, LU

ДЕБАТА

Почитувани браќа и сестри Македонци
Апелираме на дебата, датум: сабота 25 март 2017 со почеток од 18.30 часот, во просториите на Црквата во Тринген. Ги покануваме сите клубови, асоциации и поединци кои сакаат да присуствуваат на дебатата да ни се придружат и на нај демократски начин како што прилега на еден христијанин да се изјасниме и упатиме писмена порака до институциите во Македонија и пошироко.

....

Платформа на дебатата
Дневен ред :
1. Размена на мислења по настанатата ситуација во Македонија
2. Заклучоци од различните мислења
3. Запис, писмо со кое ќе апелираме до Македонските институции и пошироко (Име, Знаме, Химна, Устав, Јазик, Црква.... нашите позиции и барања)
4. Закажување на нова дебата во која ќе се дискутира за ефектите на нашите пораки

» покана
» дневен ред / декларација

ИНФОРМАЦИИ »»»


25.03.2014, Bümpliz, BE

Фудбалски натпревар

Конечно долгоочекуваниот ден доаѓа!
Наредната сабота, 25 март 2017 од 16 часот на нашето игралиште во Bümpliz (Freiburgstrass 201, Bern) ќе се одигра пријателски натпревар помеѓу:
ФЦ Македонија Берн - ФК Василево Р. Македонија
Повелете дојдете на итересен натпревар загарантиран со многу голови, а нека победи подобриот.
Спортски поздрав од раководството ФЦ Македонија Берн

После фудбалскиот натпревар, дружењето продолжува на музичката забава во Studen, BE со реномираната музичка група »ЛЕГАТО«

 



04.03.2016, Baar-Inwil, ZG

»Осмомартовска забавна«

По повод 8ми Март МД. Св. Кирил и Методиј од
Баар организира традиционална Осмомартовска забавна вечер.
Прославата ќе се одржи на 04.03.2017(Сабота)
во салата Rainhalde, Untere Rainstrasse 11, Inwil,
6340 Baar, Kanton Zug со почеток од 19 ч - 02 ч.

колаж

повеќе »»»


февруари 2017

12.02.2017, Urtenen-Schönbühl, BE

»Вешта жена во Швајцарија 2017«

Веќе по петти пат (по Македонски “традиционално“) во организација на »Организацијата на жените од Македонија во Швајцарија« ( ОЖМ-Ш ) и под покровителство на »Вешта жена« Македонија, во Urtenen-Schönbühl, BE, се одржа манифестацијата »Вешта жена во Швајцарија«

... повеќе »»»

фотографии манифестација »»»
фотографии прослава »»»
видео »»»


јануари 2017

29.01.2017, Triengen, LU

«25-то Годишно собрание на МПЦО Св. Наум Охридски, Триенген»

И ете, седиме на местото каде што до пред некоја година беше олтарот на “провизорната црква“, зелениот шатор.

....

 


 

 

СРЕЌНА НОВА 2017 ГОДИНА
И
ПРИЈАТНИ БОЖИЌНИ ПРАЗНИЦИ

 

Почитувани Македонки, почитувани Македонци, драги приатели на Македонскиот Народ, помина уште една година и како и секоја досега за некои успешна и среќна, за други година што побрзо сакаат да ја заборават.

Но еве веќе сме во Најновата, најрадосната, најуспешната, најбериќетната 2017 година.
Секако дека она ќе биде таква ако сите ние се подобриме на сите полиња. Ако секој од нас беде малку потолерантен, да покаже малку повеќе трпение, да го респектира секој...

Ете и ние (веќе неколку години) повикуваме на соработка, на понатамошен развој на овој портал, и уште еднаш повеќе влегуваме во новата година со надеж дека ОВАА година ќе успееме да ја обновиме и прилагодиме на денешните потреби.

 

† СТЕФАН
ПО МИЛОСТА БОЖЈА
АРХИЕПИСКОП ОХРИДСКИ И МАКЕДОНСКИ,
ЗАЕДНО СО СВЕТИОТ АРХИЕРЕЈСКИ СИНОД,
ПО ПОВОД БОЖИКНИТЕ ПРАЗНУВАЊА,
ДО СВЕШТЕНОСЛУЖИТЕЛИТЕ,
МОНАШТВОТО И ДО СИТЕ ЧЕДА НА
МАКЕДОНСКАТА ПРАВОСЛАВНА ЦРКВА
ИСПРАЌА МИР И БЛАГОСЛОВ ОД БОГА,
ПОЗДРАВУВАЈЌИ ГИ СО ВЕЛИЧЕНСТВЕНИОТ И
ТОРЖЕСТВЕН ПОЗДРАВ
ХРИСТОС СЕ РОДИ!

...

Божикните празници отсекогаш поттикнувале чувства на љубов кон Бога и кон ближните, повикувале на враќање кон исконските морални вредности, потсетувале на светоста на бракот, на смислата на семејството, на обврските кон возрасните, на грижата за помладите… Секогаш, но особено во овие денови, да се присетиме и погрижиме за сите коишто имаат потреба од помош, кои се во беда и сиромаштија, кои страдаат… Во секого од нив да Го видиме Господа и да ја споделиме Божикната радост заедно со нив, зашто најголемата радост се раѓа од добрите дела и љубовта. Само така празнувањето ќе ни биде – радување во Господа.

...

ХРИСТОС СЕ РОДИ!
ЧЕСТИТО И БЛАГОСЛОВЕНО
НОВОТО ЛЕТО ГОСПОДОВО!
АРХИЕПИСКОП
ОХРИДСКИ И МАКЕДОНСКИ
†СТЕФАН
со членовите на Светиот архиерејски синод на Македонската православна црква
† ПЕТАР, Митрополит Преспанско – пелагониски и администратор Австралиско-новозеландски
† ТИМОТЕЈ, Митрополит Дебарско – кичевски и администратор Австралиско-сиднејски
† НАУМ, Митрополит Струмички
† АГАТАНГЕЛ, Митрополит Повардарски
† МЕТОДИЈ, Митрополит Американско-канадски
† ПИМЕН, Митрополит Европски
† ИЛАРИОН, Митрополит Брегалнички
† ЈОСИФ, Митрополит Тетовско-гостиварски
† ЈОСИФ, Митрополит Кумановско-осоговски
† ГОРАЗД, поранешен Митрополит Европски
† КЛИМЕНТ, Епископ Хераклејски



 


  Пријави настан - makedonium@hotmail.com
Датум
Место
Настан
април Triengen, LU Христово Воскресение - Велигден
     
     
     
     

 

АРХИВ

2008 - 2009 »»»

2010 »»»

2011 »»»

2012 »»»

2013 »»»

2014 »»»

2015 »»»

2016 »»»


 

link
Македонски културни бисери
mudrosti
MK pogovorki

zanimlivosti

писма

You Tube

Ubavinite na Makedonija
«Убавата Македонија»


 

www.macdonium.org

uciMakedonski-online

Kavadarci

macedonia-timeless

http://www.mkrevolucija.com/

Matica na iselenicite od Makedonija

Arhiv na Makedonija

Turisticki iformacii za Makedonija

Makedonska istorija

Krale Marko

ristovski.ch

AleksandarMakedonski.eu

MK Dijaspora CH

OFF NET - Radio

 

makedonium.ch © 2006-2017
impressum